Baat Adhuri . ...................

Aaj waadee main khoob koharaa hai ,
Dil akelaa hai dard doharaa hai.

Tere kaano.n ko hi nahin pahunchi,
Baat jiskaa ki yoon dhindoraa hai.

Aasmaanon se khelataa hai woh,
Aadmi kya hai ek mohara hai .

Dher sara nahin hai to naa sahi ,
Yeh to kah do ki pyaar thodaa hai.

Yaad aati ho is Qadr se tum ,
. . . ??

Kya Me Shayar Hota Ja Rha Hu

Yeh yakayak kya hua hai ,
 Dil mera shaa'ir hua hai !

    Koi khushboo hai hawaa main ,
    Aaj khush khush si zameen hai.
    Baadalon ke paar nikali,
    Ik subah jaise nayi hai.

    Chand kehata hai chalo ,
    Kuchh mod ke aage khushi hai,
    Ab khatam hone ko hain,
    Jo dooriyan tumane sahi hai.

    Pyaas ki lambi talashen,
    Manzilon tak aa gayin hai,
    Itne saalon se nibhayin,
    Ab kasam kitni rahi hai.

    Peed si uthatee hai jaise,
    Hain mere jaanib yahin hai ,
    Kyon achanak tokataa hai ,
    Mann mujhe kyaa yeh sahi hai.

    Hook uthatee hai magar ,
    Thahare qadam uthate nahin hain ,
    Poochane ko naam uska,
    Lafz milate hi nahin hain .

    Zindgi bhar bandagi ki ,
    Ab mua kaafir hua hai ,
    Dil mera kaayar hua hai,
    Yeh achanak kya hua hai,
    Dil mera shaa'ir hua hai.